झापाको शिवसताक्षी नगरपालिका दुधे रङ्गशामा सम्पन्न प्रथम झापा महिला गोल्डकपको मिना देउवाको २२ औं मिनटको एकमात्र गोलले नेपाल पुलिस क्लब च्याम्पियन बनेको छ । च्याम्पियनसंगै नगद १० लाख १० हजार नगद हात पारेका छ । एपीएफ उपविजेता बन्दै ५ लाख रुपैयामा चित्त बुझाएको छ । आजको जितसंगै सिमरा गोल्डकपको फाइनलमा हारको बदला समेत पुलिसले लिएको छ । सर्वोत्कृष्ट खेलाडी साथै हाईस्कोर पुलिसकी मिना देउवा भएकी छिन् । प्रतियोगितमा ७ गोल गरिन् । उनले नगद १ लाख ५० हजार रुपैयाँ हात पारिन् ।
उत्कृष्ट गोलकिपर उषानाथ, मिडफिल्डर मोनिका मगर, उत्कृष्ट प्रशिक्षक भोला सिलबाल पुलिसका र उत्कृष्ट फरवार्ड अनिता केसी, उत्कृष्ट डिफेन्डर मनमाया दमाई भएका छन् । उनीहरुले जनही नगद २५ हजार रुपैया हात पारेका छन् । आजको प्लेयर अफ दि म्याच पुलिस गिता राना मगर भएका छन् । उनले नगद १५ हजार रुपैया हात पारेका छन् । १० हजार दर्शक क्षमताको मैदानमा दर्शकको उल्लेख्य उपस्थिति थियो । प्रतियोगितामा ३ टिम विभागिय, भारत सिक्किमको १ र नेपालको ४ गरी ८ टिम सहभागि थिए ।
प्रतिक्रिया दिनुहोस्