लियर्स कुखुरापालक संघको प्रथम साधारणसभा तथा झापा जिल्ला अधिवेशन
झापाको विर्तामोडमा लियर्स कुखुरापालक संघले अण्डाको उचित मुल्य नपाएको गुनासो गरेका छन् । प्रति कार्टुन ३५ सयमा कारोवार भई रहेको छ । तर लागत मुल्य नै ४ हजार रुपैयाको हाराहारी पर्ने किसानले बताएका छन् । आज विर्तामोडमा आयोजित संघको साधारणसभामा सो कुरा किसानले बताएका हुन् । ३ अरब रुपैया भन्दा वढी लगानी रहेको लियर्स कुखुरापालक ब्यवसायमा ४ हजारले प्रत्यक्ष रोजगारी पाएका छन् । झापामा दैनिक १ हजार कार्टुन अण्डा उत्पादन हुने गरेको छ । लियर्स कुखुरापालक किसान र ब्यवसायीलाई कोशी प्रदेश सरकारले गतवर्षबाट ब्याज अनुदान उपलब्ध गराउन थालेको छ । सहकारी संस्थाबाट १० लाख रुपैयासम्म ऋण भए ८ प्रतिशत, बाणिज्य बैंकबाट ५० लाखसम्मको ऋणमा ६ प्रतिशत ब्याज अनुदान उपलब्ध प्रदेश सरकारले गराउने गरेका छ ।
प्रतिक्रिया दिनुहोस्